PAMJE TË RËNDA/ Pasi vrau 14-vjeçarin në shkollë, autori tregon me krenari thikën në Snapchat

Lajmifundit.al ka siguruar pamjet e rënda, që autori i dyshuar ka postuar në rrjetet sociale pas krimit të rënda.

Siç shihet ai tregon thikën me të cilën qëlloi disa herë Martinin, duke i marrë jetën. Po ashtu ai pozon “me krenari” pas krimit teksa ndodhej në një makinë, e po ashtu shfaqet edhe dora e tij e fashur, pasi ka mbetur i lënduar pas sulmit.

Dje, fëmijët e shkollës kryeqytetase janë takuar për t'u "sqaruar" dhe fatkeqësisht, me vete kanë pasur dhe thikat. Nga disa goditje, Martin Cani ka ndërruar jetë në Spitalin e Traumës, ndërsa autori, Mario Perlleshaj është plagosur në krah.

Ky i fundit është arrestuar nga policia në rrugën “Qemal Stafa”, pak metra larg shkollës 9-vjeçare ku ndodhi ngjarja tragjike. Autori 14-vjeçar dyshohet se pas përplasjes së dhunshme me thika, ku qëlloi disa herë bashkëmoshatarin është larguar pranë një parku, e më pas ka shkuar në një spital privat. Ndërsa u publikua edhe një foto, ku shihet dora e gjakos e autorit. Dyshohet se ai e ka fotografuar dhe dërguar disa shokëve të tij pas ngjarjes.