Obama, fushatë për Harris në shtetet “e lëkundura”, e nis nga vendi i atentatit të Trump

Ish-presidenti Barack Obama do të kalojë në mbështetje aktive për Kamala Harris, duke udhëtuar për zëvendespreidenten në shtetet e lëkundura, të cilat pritet të jenë vendimtare për rezultatin e zgjedhjeve presidenciale të 5 nëntorit.

Tubimin e parë, Obama pritet ta zhvillojë pikërisht në Pittsburgh, të Pensilvanisë ku kandidati republikan Donald Trump i mbijetoi mrekullisht një atentati ndaj jetës së tij. Kthimi i Obamës në fushata elektorale pason një fjalim nxitës në Konventën Kombëtare Demokratike në gusht, në të cilën ai e cilësoi Harris si një figurë largpamëse dhe një trashëgimtare e koalicionit të tij politik, shkruan the Guardian.

“Ne nuk kemi nevojë për katër vjet të tjera rrëmujë, trazira dhe kaos”, tha Obama. “E kemi parë atë film më parë, dhe të gjithë e dimë se vazhdimi është zakonisht më i keq. Amerika është gati për një kapitull të ri”, nënvizoi ish kreu i Shtëpisë së Bardhë. Harris ka qenë mbështetëse e hershme e Barak Obamës kur ai u përball në 2007-tën me Hillay Clinton për nominimin demokrat.