Nëna i mbyllte në banesë dhe shkonte në punë, si u rrëzua nga kati i katërt e mitura në Sarandë

Një 11-vjeçare është rrëzuar nga kati i katërt ditën e sotme në Sarandë dhe është nisur me urgjencë drejt spitalit të Traumës për ndihmë më të specializuar mjekësore.

E mitura dyshohet se ëshrë rrëzuar aksidentalisht, ndërsa në momentin e ngjarjes ka qenë në banesë me vëllanë e saj.

Burime bëjnë me dije se vajza ka tentuar të kalojë nga ballkoni në shesh pushim kur është rrëzuar.

Gjithashtu mësohet se nëna e tyre i kishte lënë brenda në banesë, pasi shkonte për në punë.

Njoftimi i Policisë:

“Sot, rreth orës 13:45, në lagjen nr. 1, Sarandë dyshohet se është rrëzuar aksidentalisht, nga kati i katërt i banesës, një shtetase e mitur 11-vjeçare

Ajo do të transportohet në spitalin e Traumës, për ndihmë mjekësore”.