Në kërkim ndërkombëtar për mashtrim, arrestohet në Gjermani 39-vjeçari shqiptar (Emri)

Interpol Tirana në bashkëpunim me homologët gjermanë kanë bërë të mundur edhe arrestimin e 39-vjeçarit shqiptar, Klodian Zanaj. Ky i fundit ishte shpallur në kërkim, pasi u dënua me 1 vit e 6 muaj për mashtrim.

“Interpol Tirana/ Falë shkëmbimit në kohë të informacionit mes Interpol Tiranës dhe zyrës homologe të Interpol Ëiesbaden, Gjermani, u bë e mundur kapja dhe ekstradimi drejt Shqipërisë, i shtetasit shqiptar të shpallur në kërkim ndërkombëtar.  

U ekstradua shtetasi Klodjan Zanaj, 39 vjeç, banues në Vlorë. Shtetasi Klodjan Zanaj ishte shpallur në kërkim ndërkombëtar nga ZQK Interpol Tirana, pasi  Gjykata e Rrethit Gjyqësor Tiranë, me vendimin gjyqësor në vitin 2019, e ka dënuar me 1 vit e 6 muaj burg, për kryerjen e veprës penale “Mashtrimi”. Ky shtetas, në periudhën kohore 2016-2017, më anë të mashtrimit ka mundësuar përfitimin e një shume të konsiderueshme parash, në dëm të shtetases J. L., me banim në Tiranë”, njofton policia.