Ndërhyrja në TIMS, Apeli lë në arrest shtëpie ish-drejtorin e IT-së në Policinë e Shtetit, Ervin Muçën

Gjykata e Apelit ka lënë në fuqi vendimin e shkallës së parë për ish-drejtorin e IT në Policinë e Shtetit, Ervin Muça.

Ky i fundit do të vijojë masën e sigurisë “arrest në shtëpi. Muçka ka kërkuar të hetohet pa masë me argumentin se nuk e ka shkelur ligjin.

Pasi Prokuroria e Tiranës caktoi masën e sigurisë arrest në shtëpi për drejtorin e IT- së në Policinë e Shtetit, Ervin Muça, ky i fundit u pezullua nga detyra edhe nga institucioni që ai drejtonte.

Sipas prokurorisë, në orët e vona të natës së 2 gushtit të vitit të kaluar, Muça ka ndërhyrë në sistemin TIMS duke përdorur kredencialet e një punonjësi për të transferuar të dhënat e këtij sistemi në mënyrë të paautorizua.