"Na presin orë të vështira", kryebashkiaku i Shkodrës: KESH të bëjë kujdes me shkarkimet

Kryetari i Bashkise se Shkodres Bardh Spahia ka reaguar ne lidhje me situaten e permbytjeve ne kete qark.

Ai ka thene se po ndjek situaten me vemendje nderkohe qe i ka bere thirrje KESH-it te beje kujdes me shkarkimet nga hidrocentalet dhe te informoje ne lidhje me kete proces.

Reagimi: 

Po ndjek me vëmendje situatën që kanë krijuar reshjet e shumta në Bashkinë Shkoder.

Grupet tona të punës ndodhen në terren dhe kemi marrë masat për çdo rast që mund të paraqitet.

Kërkoj bashkëpunimin e banorëve që në rast emergjence të kontaktojnë me strukturat e bashkisë për evakuim apo çdo nevojë tjetër që mund të paraqitet.

Si pasojë e shkarkimeve nga hidrocentralet e kaskadës së Drinit parashikohen orë të vështira, prandaj i bëj thirrje drejtuesve të KESH të informojnë në kohë dhe mënyrë periodike mbi prurjet dhe shkarkimet që të mos gjendemi në situata të paparashikuara.