Moti i keq, pak minuta shi përmbytin Korçën, raportohet për probleme në disa fshatra

Moti i keq me reshje shiu ka shkaktuar përsëri dëme në disa zona të qarkut të Korçës. 

Deri tani raportohen probleme në fshatrat Zëmblak dhe Shamoll, ndërkaq prezencë të ujit ka pasur edhe në akset nacionale.

Rrebeshet disa minutëshe kanë qenë të shpeshta qytetin juglindor edhe gjatë ditës së djeshme duke shkaktuar përmbytjen e disa bizneseve dhe garazheve në lagjen 18 të qytetit.

Stuhia dhe era e fortë madje ka rrëzuar disa pemë në qytet.