Mori ryshfet për vendimin, Gjykata e Lartë rikthen për gjykim dosjen ndaj ish-gjyqtares Zamira Vyshka

Gjykata e Lartë ka rikthyer për rigjykim në Apelin e GJKKO-së çështjen ku është përfshirë ish-gjyqtarja Zamira Vyshka dhe avokati Ilir Pashaj.

Gjykata e Lartë hedh poshtë vendimin e Apelit Antikorrupsion që dënoi me 2 vite burgim për korrupsion pasiv dhe rikthen çështjen për rigjykim me trupë tjetër në të njëjtën gjykatë.

Ndërsa për avokatin Ilir Pashaj që sipas SPAk do i jepte një shumë prej 400 mijë lekësh gjyqtares, apeli vendosi dënimin me 2 vite burg, që për shkak të gjykimit të shkurtuar shkon në 1 vit e 4 muaj.

Gjyqtarja Vyshka u arrestua në korrik te 2022 me urdhër të SPAK, bashkë me avokatin Ilir Pashaj nën akuzën se po merrte rreth 400 mijë lekë ryshfet, për t’i ulur dënimin me 6 muaj një të burgosuri.