Monika Kryemadhi paraqitet në SPAK me të bijën: Erdha të lexoj fashikujt

Deputetja e Partisë së Lirisë, Monika Kryemadhi është paraqitur sot në ambientet e SPAK së bashku me vajzën e saj.

Teksa është shfaqur në godinën e organit të akuzës, Kryemadhi është shprehur se ndodhej aty për të marrë dosjen për të cilën akuzohet.

“Erdha të lexoj fashikujt e dosjes”, ka thënë shkurtimisht Kryemadhi, pa dhënë detaje të tjera.

GJKKO i ka vendosur masën “detyrim paraqitjeje” Kryemadhit per 3 vepra penale, duke nisur nga ajo e korrupsionit, pastrimit te parave dhe fshehje pasurie, kurse bashkëshorti i saj me të cilin është në proces divorci, Ilir Meta, qëndron i paraburgosur prej arrestimit më 21 tetor të këtij viti.