Moderatori dhe aktivisti Florjan Binaj i bashkohet protestës së Adriatik Lapajt te Kryeministria

Aktori, moderatori dhe aktivisti Florjan Binaj i është bashkuar mbrëmjen e kësaj të shtune protestës kombëtare të thirrur nga Adriatik Lapaj, kreu i Partisë “Shqipëria Bëhet”.

Aktori i njohur ka marrë pjesë në një sërë protestash të zhvilluara kundër qeverisë “Rama” pavarësisht se cila parti e ka organizuar atë. Edhe këtë të shtunë, Binaj nuk mungoi në sheshin para Kryeministrisë në Bulevardin Dëshmorët e Kombit.

Vetë Lapaj, renditi një sërë skandalesh të qeverisë duke nisur nga aferat e zv/kryeministres dhe ministres së Infrastrukturës, Belinda Balluku e deri tek grupi i strukturuar kriminal brenda AKSHI-t që jepte tendera preferenciale dhe frynte kostot me disa miliona euro, arsye këto që sipas Lapajt duhet rrëzuar qeveria aktuale/SOT