Mister në komisariatin e Vlorës/ Vd'es “befas në qeli” 32-vjeçari i arrestuar për vje'dhje, zbulohet identiteti

Një ngjarje e rëndë ka ndodhur mëngjesin e sotëm në Komisariatin e Policisë së Vlorës, ku 32-vjeçari Enea Shparthi i arrestuar dy ditë më parë ka humbur jetën.

Ky shtetas është gjetur në gjendje të rënduar shëndetësore brenda dhomave të shoqërimit rreth orës 09:50.

Ndonëse është transportuar me urgjencë drejt Spitalit Rajonal, mjekët kanë konfirmuar vdekjen e tij disa minuta më vonë, ku paraprakisht dyshohet për një arrest kardiak.

Prokuroria ka nisur hetimet për sqarimin e plotë të rrethanave.

Njoftimi:

Vlorë/Informacion paraprak

Sot rreth orës 09:50, në ambientet e dhomave të shoqërimit të Komisariatit të Policisë Vlorë, është konstatuar në gjendje të rënduar shëndetësore shtetasi i arrestuar E. Sh., 32 vjeç, banues në Vlorë.

Menjëherë është njoftuar shërbimi mjekësor dhe 32-vjeçari është transportuar në Spitalin Rajonal Vlorë, ku, në orën 10:05, mjekët kanë konfirmuar se ky shtetas ka humbur jetën.

Paraprakisht dyshohet se 32-vjeçari ka ndërruar jetë si pasojë e arrestit kardiak.

Shtetasi E. Sh. ishte arrestuar në flagrancë më datë 29.08.2026, rreth orës 23:00, për veprën penale “Vjedhja”.

Nën drejtimin e Prokurorisë, vijon puna për sqarimin e plotë të rrethanave dhe dokumentimin ligjor të rastit.