Ministria e shëndetësisë në Gaza: Mbi 31.600 palestinezë kanë humbur jetën nga lufta

Nëntëdhjetë e dy persona janë vrarë në Gaza gjatë 24 orëve të fundit, duke e çuar numrin e të vdekurve që nga 7 tetori në 31,645 palestinezë, sipas Ministrisë së Shëndetësisë në Gaza.

Gjithsej 130 persona janë lënduar në 24 orët e fundit, shtoi ministria, duke e çuar numrin e të plagosurve në 73,676.

Shumë nga viktimat mbeten të bllokuara nën rrënoja dhe në rrugë, me ambulancën dhe ekuipazhet e mbrojtjes civile të paaftë për t’i arritur, tha ministria.

Ministria nuk bën dallim mes luftëtarëve dhe civilëve në të dhënat e saj.

Sipas CNN njëmbëdhjetë palestinezë u vranë në një bombardim izraelit të një shtëpie në Deir al Balah në Gaza qendrore herët të dielën, sipas Spitalit të Martirëve Al-Aksa, të cilët morën viktima dhe trajtuan të tjerët që u plagosën.

Dëshmitarët okularë i thanë stafit të spitalit se bombardimi ishte shkaktuar nga një sulm ajror izraelit.

Sipas spitalit, viktimat përfshijnë gra dhe fëmijë.