Ministria e Arsimit reagon për vrasjen e 14 vjeçarit në shkollën “Fan Noli”

Ministria e Arsimit ka reaguar pas konfliktit me pasojë vdekje që ndodhi në një prej shkollave 9-vjeçare të kryeqytetit, “Fan Noli”. Nga ky konflikt ku u përfshinë 4 nxënës të moshës 14 vjeçare, humbi jetën njëri për tyre ndërsa nxënësi tjetër ndodhet në spitalin e Traumës nën kujdesin mjekësor.

Ministria e Arsimit dhe Sportit duke i uruar ngjshëllimet familjavëre të së ndjerit, thotë se siguria nëpër shkolla ka qenë dhe do të mbetet një prioritet për insitucionin.

Teksa i bëjnë thirrje institucioneve ligjzbatuese për zbardhjet e plotë të rrethanave të kësaj ngjarje, ata thonë se po merren masa për rritjen dhe garantimin e sigurisë në mjedist shkollore me qëllim parandalimin e ngjarjeve fatale në të ardhmen.

Reagim i Ministrisë së Arsimit dhe Sportit për ngjarjen e rëndë ku humbi jetën nxënësi i shkollës "Fan Noli"

Jemi thellësisht të tronditur nga ngjarja tragjike e ndodhur sot në rrugën "Qemal Stafa", Tiranë, ku një konflikt mes tre të miturve çoi në humbjen e jetës së njërit prej tyre, nxënës i shkollës “Fan Noli”.

Ngushëllimet tona më të sinqerta i shkojnë familjes së nxënësit që humbi jetën, ndërsa urojmë shërim të shpejtë për nxënësin tjetër. Në të njëjtën kohë, kërkojmë nga institucionet ligjzbatuese që të kryejnë zbardhjen e menjëhershme të të gjitha rrethanave të kësaj ngjarjeje.

Siguria në shkolla dhe jashtë tyre ka qenë dhe do të mbetet një prioritet absolut, i bashkëpunimit mes Ministrisë së Brendshme, Policisë së Shtetit, Ministrisë së Arsimit, Pushteti Vendor, komunitetit dhe të gjithë shoqërisë.

Ministria e Arsimit dhe Sportit ka marrë në vazhdimësi, dhe është duke zbatuar masa konkrete për të garantuar që procesi i mësimdhënies, në të gjitha shkollat e Shqipërisë, të kryhet në mënyrë sa më të sigurt, të rregullt e me standarte.

Ndërkohë që Ministria e Arsimit dhe Sportit është maksimalisht e angazhuar për të siguruar mjedise sa më të sigurta për zhvillimin normal të mësimit në të gjithë Shqipërinë, mbetet gjithmonë thelbësor roli sa më aktiv i të gjitha palëve, prindër, mësues, punonjës të policisë së shtetit, institucione arsimore por edhe komuniteti, për të bërë të mundur parandalimin e ngjarjeve të tilla në të ardhmen.