Minatorët e Bulqizës në protestë, kundërshtojnë vendimin për të punuar dhe të shtunave

Minatorët e minierës së Bulqizës kanë vijuar bojkotimin e punës edhe këtë të martë.

Ata kundërshtojnë urdhrin e kompanisë për të punuar edhe ditët e shtuna, në kundërshtim me kontratën e punës.

Po ashtu, minatorët kërkojnë që të bëhet rritja e pagës siç ishte planifikuar në fillim të muajit janar.

Minatorët i kërkojnë kompanisë të tërhiqet nga vendimi për të punuar edhe të shtunave, të bëjë rritjen e pagës sipas kontratës e jo duke shtuar ditët e punës dhe të japë 4% e inflacionit të dhënë nga shteti.

Për shkak se nuk i lejojnë të grumbullohen, minatorët e kompanisë Yıdırım Holding kanë zgjedhur si formë proteste bojkotimin e punës.