Milano, 39-vjecari shqiptar arrestohet me 10 kg heroinë dhe kokainë

Policia e Milanos arrestoi një 39-vjeçar shqiptar, i cili ndodhej ilegalisht ne Itali pasi kishte precedentë të mëparshëm penalë.

Shqiptari u në pranga i akuzuar për trafikim të lëndëve narkotike.

Mediat italiane shkruajnë se i dyshuari u pikas nga policia, pasi tërhoqi vëmendje mënyra sesi mbante telefonin dhe e shikonte shumë shpesh, si dhe kryerja e shumë telefonatave të shkurtra.

Pas këtij veprimi, ai hipi në një automjet. 

Agjentët, duke pasur parasysh nervozizmin e dukshëm të 39-vjeçarit, kontrolluan menjëherë atë dhe makinën e tij, ku i gjetën 7.7 kg heroinë.

Kontrolli i policise zbuloi se ai kishte dhe një grumbull të madh me çelësa, ku njëri prej tyre i përkiste një bodrumi.

Pas kontrolleve në bodrum, u gjetën po ashtu 670 gramë kokainë dhe shtatë mbështjellës me 2.3 kilogram heroinë.