Mediat italiane: Gjadri do të kthehet në burg për shqiptarët e dënuar në Itali

Të burgosurit në itali me pasaporta shqiptare, do ta vuajnë dënimin e tyre përtej Adriatikut. Kështu e nis artikullin e saj prestigjozja La Repubblica, teksa në Itali po diskutohet për planin B të marrëveshjes së nënshkruar mes kryeministrit Edia Rama dhe homologes së tij, Giorgia Meloni.

Një marrëveshje e cila parashikonte strehimin në kampin e Gjadrit në Shëngjin, të emigrantëve të shpëtuar në Detin Mesdhe, deri më tani është e dështuar pasi asnjë emigrant nuk ka arritur të qëndrojë në kamp më shumë se 24 orë.

Gazeta italiane Il Fatto Quotidiano ka raportuar se shqiptarët e arrestuar në Itali do të sillen në Shqipëri ndërsa qendra e diskutueshme për pritjen e emigrantëve, do të kthehen në burg për këta individë që disponojnë pasaportën shqiptare. Kjo është cilësuar si plani B i qeverisë nëse marrëveshja aktuale mes dy vendeve merr fund njëherë e mirë.

Ndërkohë Gjykata e Lartë e Romës pritet të dalë në një vendim përfundimtar në lidhje me marrëveshjen Rama-Meloni teksa deri më tani çdo emigrant i ardhur në Gjadër, është kthyer menjëherë mbrapsht në Itali me vendim të Gjykatës së Romës me arsyetimin se këta emigrantë nuk vijnë nga vende të sigurta.