U plagos më aksion në Maliq, mjekët e Traumës: Efektivi i intubuar dhe bëhet operacion, ja si paraqitet gjendja

Ky është momenti kur 36-vjeçari Edison Adri, efektivi i Shqiponjave që mbeti i plagosur gjatë aksionit për kapjen e Violand Braçellari në Maliq, transportohet me helikopter për të marrë ndihmë mjekësore në Spitalin e Traumës në Tiranë.

Adri u plagos në krye të detyrës, ku bashkë me efektivin që ndërroi jetë Enea Mekollin, ishin duke lokalizuar autorin e shpallur në kërkim në zonën e Lozhanit.

Gjendja e efektivit të policisë që u plagos në Maliq, Edison Adri paraqitet stabël, por do t’i nënshtrohet një operacioni.

Efektivi Edison Adri kishte marrë plumb në nofull dhe siç raportohet i ka iku edhe gjuha.

Mjeku i Traumës konfirmoi se efektivi do futet në sallën e operacionit, por gjendja është tashmë e stabilizuar.

“Efektivi erdhi me helikopter. Parametrat janë në normë. Është stabil dhe sapo u fut në sallë, do intubohet. Po bëhet vlerësimi i dëmtimeve të gojës dhe qafës”, u shpreh mjeku i Traumës.