Makinat përplasen "kokë më kokë" në Rrugën e Kombit, plagoset familja me 5 anëtarë nga Kosova

Një aksident i rëndë ka ndodhur në Rrugën e Kombit, në afërsi të Milotit. Dy mjete janë përplasur dhe për pasojë janë plagosur 5 persona, mes te cilëve 2 fëmijë.

Mësohet se të plagosurit janë një familje nga Kosova që po udhëtonin me një mjet tip ‘Golf’.

Të plagosurit janë dërguar me urgjencë në spitalin e Traumës në Tiranë, ndërsa nga aksidenti u bllokua për disa minuta Rruga e Kombit.

Ende nuk dihen shkaqet e aksidentit, më lart keni pamjet nga përplasja e dy makinave, një ‘Golf’ dhe një ‘Fouristradë’.