Makina përplaset me shtyllat e ndricimit në Berat

Një aksident rrugor ka ndodhur pak më parë në By Pass-in në dalje të qytetit të Beratit,në lagjen “Uznovë e Madhe”.

Automjeti Skoda Fabia,me targa AB 685 CH, duke udhëtuar drejt daljes së qytetit, ka humbur kontrrollin dhe ka marrë para dy shtylla të ndriçimit të rrugës.

Si pasojë e aksidentit, makina është shkatërruar në pjesën e përparme, ndërkohë që drejtuesi i saj ka dalë nga mjeti pa lëndime.

Në vendngjarje kanë shkuar efektivë të qarkullimit rrugor,të cilët po kryejnë edhe veprimet e para në vendin e aksidentit,për të kuptuar shkaqet dhe dinamikën e tij.

Shkak për aksidentin mendohet të jetë bërë shpejtësia përtej normave të lejuara të drejtuesit 28-vjeçar.

Per më shumë se gjysëm ore vijon të jetë pa ndriçim rruga e By Pass-it,për shkak të dy shtyllave të dëmtuara pas përplasjes nga mjeti Skoda.