Humb jetën turistja 8 vjecare e përplasur nga makina tek Gjiri i Lalzit, shoferi sapo kishte marrë patentën

Ka ndërruar jetë në spital vajza 8 vjeçe nga Sllovakia, e cila u përplas në Gjirin e Lalësit nga një 18-vjeçar që drejtonte një Audi.

Policia bën me dije se aksidenti ndodhi rreth orës 20:00, në segmentin rrugor Maminas-Gjiri i Lalësit. Drejtuesi i mjetit ishte shtetasi G. Gj., 18 vjeç, i cili ka përplasur minorene S. S., nga Sllovakia.

Drejtuesi i automjetit është shoqëruar në Komisariat për veprime të mëtejshme procedurale.

Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit.