Makina me gaz shpërthen në zjarr në autostradën Thumanë-Milot

Një automjet është përfshirë nga flakët mbrëmjen e kësaj të shtune në segmentin e autostradës Thumanë-Milot, pranë Fushë Mamurrasit.

Mësohet se makina është me lëndë djegëse prej gazi.

Fatmirësisht drejtuesi i këtij automjeti ka shpëtuar mrekullisht, ndërsa në vendngjarje kanë mbërritur forcat zjarrfikëse dhe po punojnë për shuarjen e flakëve. 

NJOFTIMI I POLICISE:

“Rreth orës 20:15, në aksin rrugor “Fushë Milot-Thumanë”, dyshohet se për shkak të një shkëndije elektrike, është përfshirë nga flakët automjeti me drejtues shtetasin A. A. Si pasojë e flakëve janë shkaktuar vetëm dëme materiale”, njofton policia.