Makina del nga rruga dhe përfundon në kanal, plagosen dy vëllezër dhe një grua

Një aksident i rëndë ka ndodhur në hyrje të qytetit të Beratit, në vendin e quajtur “Dogana” ku kanë mbetur të plagosur 3 persona.

Një automjet tip Hyundai, që po qarkullonte në drejtim të qytetit, ka humbur kontrollin dhe për pasojë është përmbysur dhe ka përfunduar në kanalin anësor të rrugës. Si pasojë 3 persona janë plagosur, 2 vëllezër dhe një grua që ndodheshin në mjet.

Të plagosurit janë transportuar me ambulancë në Spitalin Rajonal të Beratit, ku ndodhen nën kujdesin e mjekëve të cilët fatmirësisht janë jashtë rrezikut për jetë.