Lëviznin me pistoleta nëpër Tiranë/ Në pranga dy persona, gjendet edhe drogë

Policia e Tiranës ka arrestuar arrestuar dy persona për armëmbatje pa leje dhe drogë. 

Policia arrestoi E. H., 39 vjeç, banues në Tiranë, pasi gjatë kontrollit fizik dhe të automjetit, i gjetën një armë zjarri pistoletë me krëhër e municion luftarak, dhe një sasi lënde të dyshuar narkotike kokainë. 

Në prangat e policisë ka rënë edhe A. E., 34 vjeç, pasagjer në një makinë. Ky i fundit në momentin e ndalimit, nuk i është bindur urdhrave të punonjësve të Policisë, por ka tentuar të largohej dhe gjatë tentativës për tu larguar ka hedhur në tokë, një armë zjarri pistoletë.

Dy armët e zjarrit me krëhra e municion luftarak, së bashku me lëndën e dyshuar narkotike kokainë, u sekuestruan në cilësinë e provës materiale.