Kush është 38 vjeçari që humbi jetën në aksidentin në Lezhë (FOTO+EMRI)

Paulin Gjomarkaj, personi që shihni në foto është 38-vjeçari i cili humbi jetën pasditen e sotme në një aksident rrugor në aksin rrugor Lezhë-Milot.

Sipas policisë, Gjomarkaj ka humbur kontrollin e makinës si pasojë e shpejtësisë gjatë një parakalimi, duke dalë nga rruga dhe është përplasur me murin e jashtëm të një banese.

Së bashku me 38-vjeçarin, pasagjer në mjet ishte dhe 27-vjeçari Nikolli Gjini, i cili ka marrë dëmtime dhe është transportuar në spitalin Rajonal Lezhë, jashtë rrezikut për jetën.

Lezhë/Informacion paraprak

Në aksin e vjetër Lezhë- Milot, në fshatin Manati , Lezhë, mjeti me drejtues shtetasin P.Gj., 38 vjeç, ka humbur kontrollin e mjetit duke dalë nga rruga dhe është përplasur me bordurën anësore.

Si pasojë e përplasjes ka humbur jetën drejtuesi i mjetit dhe ka marrë dëmtime dhe është transportuar në spitalin Rajonal Lezhë shtetasi N.Gj., 27 vjeç, i cili ndodhej pasagjer në këtë mjet.

Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.