Kush do të jetë kreu i BKH? Ja kur pritet të bëhet publik EMRI propozuar nga "qeveria e prokurorëve"

Këtë të enjte, Komisioni i Verifikimit pranë SPAK do të bëjë të ditur emrin e propozuar për drejtuesin e ri të BKH, i cili do të dërgohet për miratim në Këshillin e Lartë të Prokurorisë.

Pas shqyrtimit të aplikimeve dhe dokumentacionit të 13 kandidatëve, vetëm 7 prej tyre kaluan me sukses në fazat e mëtejshme të procesit të vlerësimit.

Kandidatët që vijuan garën dhe që njëri prej tyre pritet të jetë sot emri propuazuar, janë:

1- Andi Pogaçe

2- Artur Beu

3- Elton Kërluku

4- Gentian Ndoi

5- Gentjan Shehaj

6- Gledis Nano

7- Joni Keta.

Krahas komisionit të përbërë nga tre prokurorë të posaçëm, të pranishëm do të jenë edhe përfaqësues të misioneve që kanë asistuar në zgjedhjet e kreut të ri të të BKH (BE dhe OPDAT).

Mësohet se gjatë fazës së fundit, njëri nga 7 kandidatët është skualifikuar nga gara për të marrë pozicionin drejtues. Aktualisht mbeten 6 kandidatë janë në garë.

I gjithë grupi që garon ka kaluar fazën e testit të arsyetimit logjik, kontrollin mjekësor, testin fizik, esen me shkrim, intervistën, fazën e verifikimit të figurës, deklarimin e pasurisë dhe testin e poligrafit.

Pasi komisioni të dërgojë emrin në KLP, “qeveria e prokurorëve” voton kandidatin i cili merr mandat 5 vjeccar për të drejtuar “FBI shqiptare”.

Ish drejtoreshës së BKH Aida Hajnaj i përfundoi mandati në muajin gusht të këtij viti, duke i hapur rrugë zgjedhjes së kryetarit të ri.