Kurbin/ Zjarri në fabrikën e këpucëve në Zhejë, shkak dyshohet të jetë një shkëndijë elektrike

Një ditë pas zjarrit në fabrikën e këpucëve në Zhejë të Kurbinit, ekspertët po punojnë rreth shkaqeve që mund të kenë shkaktuar zjarrin.

Dyshimet janë se zjarri mund te jetë shkaktuar nga një shkëndijë elektrike, ndërsa dëmet e shkaktuara janë të konsiderueshme.

Ndërkohë fikja e zjarrit u bë pas ndërhyrjes së zjarrfikësve të cilëve iu deshën disa orë për të neutralizuar flakët.

Zjarri shkaktoi panik edhe tek banorët përreth, ndërsa situata aktualisht është e normalizuar.