Kultivonin drogë, pas disa muajsh hetime policia arreston 2 vëllezërit në Tiranë

Policia e Tiranës ka arrestuar 2 vëllezër, të akuzuar për kultivim drogë. Sipas njoftimit zyrtar, vëllezërit 28 dhe 32-vjeç ishin në hetim prej muajsh, ndërsa mësohet se ata kultivonin drogë në vendin e quajtur “Shtogu”, dhe në vendin e quajtur “Kollagjesh” Njësia Administrative Shëngjergj.

“Tiranë/ Vijon puna për goditjen e veprimtarisë kriminale në fushën e kultivimit të bimëve narkotike. Evidentohen dhe goditen dy raste të tentativës për kultivim të bimëve narkotike. Vihen në pranga 2 vëllezër.

Në vijim të punës për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike, gjatë një hetimi disamujor shërbimet e Komisariatit të Policisë Nr. 4, kanë evidentuar dhe goditur dy raste të tentativës për kultivim të kanabisit në vendin e quajtur “Shtogu”, dhe në vendin e quajtur “Kollagjesh” Njësia Administrative Shëngjergj.

Në përfundim të veprimeve, specialistët për Hetimin e Krimeve në Komisariatin e Policisë Nr. 4, arrestuan në flagrancë shtetasit E. M., 28 vjeç dhe E. M., 32 vjeç, pasi dyshohen se në vendin e quajtur “Shtogu”, kanë kultivuar bimë narkotike të dyshuar cannabis sativa.

Gjithashtu, këta dy shtetas dyshohen se në vendin e quajtur “Kollagjesh”, u konstatuan të kultivuar bimë narkotike të dyshuar cannabis sativa. Materialet i kaluan Prokurorisë së Rrethit Gjyqësor Tiranë, për veprime të metejshme”, njofton policia.