Konflikte për portin e pronat në Gjirin e Lalzit, gazetari: Pse ndodhi vrasja e "Mond Cekicit"

Ka mbetur ende e pazbardhur vrasja e Mond Cekicit ne Durres, nderkohe qe viktima njihej si njeri i afert i Lul Berishes.

Gazetari Elton Qyno ka folur në lidhje me ngjarjen kriminale të ndodhur së fundmi në Durrës, ku u ekzekutua me 38 plumba Edmond Çekiçi.

Qyno tha në “Open” se motivet kryesore që lidhen me disa vrasje në Durrës, përfshirë atë të Mond Çekiçit janë konflikti i pronave në Gjirin e Lalzit dhe për portin e Durrësit, ku viktima kishte edhe lokale.

“Motivet kryesore që lidhen është konflikti i pronave në Gjirin e Lalzit dhe për portin e Durrësit.

Pa dyshim që aksesin në portin e Durrësit si dhe bizneset në zonën e transitit në port me lokale, pra është luftë për portin dhe për bizneset në Gjirin e Lalzit ku shumë grupe kriminale kanë interesa për të shitur pronat në këtë zonë.

Janë grupet e Durrësit dhe të Shijakut që po përplasen dhe po veprojnë në Durrës e Shijak”, tha Qyno.