"Kjo jetë është e jona, nuk e falim"/ Gratë marshojnë në Tiranë kundër dhunës dhe vrasjeve!

Qytetarët në Tiranë kanë zhvilluar në një protestë në Ditën e Grave, duke marshuar në rrugët e kryeqytetit. Fillimisht marshimi ka nisur në zonën e ish-Bllokut, për të tu ndalur më pas përpara Kryeministrisë.

"Nuk është krim pasioni, është Femicid”, “Mos ma prek lirinë”,

“Kjo jetë është e jona, nuk e falim, nuk lejojmë të na ndalin”, thuhej në disa prej pankartave.

Kjo ngjarje zë fill më 8 mars 1857, kur rrobalarëset e New Yorkut u ngritën në protestë për të drejtat e tyre kundër shtypjes e shfrytëzimit të egër që u bëhej atyre në punë.

100 gra nga shumë vende evropiane dhe të Shteteve të Bashkuara të Amerikës, të mbledhura në Kopenhagë të Danimarkës, nën kryesinë e Clara Cetkinit, vendosën që 8 marsi të shënohet si Dita Ndërkombëtare e Grave.