Kishte fshehur dozat me k*kainë në shkurre, arrestohet 21-vjeçari shqiptar

Policia italiane ka vënë në pranga një të ri shqiptar nën akuzën e shpërndarjes së lëndëve narkotike.

Mediat italaine raportojnë se 21-vjeçari me origjinë shqiptar u arrestua nga Policia në Rimini të Italisë për veprën penale të posedimit me qëllim shitje droge.

Hetuesit e identifikuan të riun teksa po endej pranë një ndërtese bujqësore të pashfrytëzuar në “Via Mareçhiese”.

Gjithashtu shqiptari pasi ka vënë re kontrollin e policisë, ka tentuar të heqë materialin kishte nxjerrë nga një gropë e hapur në tokë.

Por pas kontrollit të policisë rezultoi se ishte kokainë e paketuar në 8 mbështjellës, me një peshë totale rreth 110 gramë. Gjatë kontrollit të ushtruar në objektin e akomodimit ku ai qëndronte, u sekuestruan edhe disa gramë hashash.