Kërkoi të shkojë në Veting me pranga në duar, prokurori Sali Hasa ndërron mendje dhe s'paraqitet

Prokurori i Sarandës, Sali Hasa i arrestuar për korrupsion do ishte prokurori i parë që do të shkonte në veting me pranga në duar, por ka ndërruar mendje. 

Ndonëse dje kërkoi leje për të qenë i pranishëm në seancë dhe Drejtoria e Burgjeve dha dakordësi, prokurori ka vendosur të mos marrë pjesë vetë, por as nuk ka dërguar avokat që ta përfaqësojë. 

Sipas KPK Hasa nuk ka deklarim të saktë, nuk ka burime dhe ka fshehur pasurinë. Ai ka deklaruar se ka shitur karabinanë, por nuk ka dokumente që e vërtetojnë.  Rezulton se prokurori ka mungesë burimesh financiare për ndërtimin e karabinasë.

“Sali Hasa është vetuar për pasurine. Sipas ILDKPI s’ka deklarim të saktë s’ka burime për të justifikuar pasurinë dhe ka fshehur pasuri. Apartamentin në Kavajë ku sipas ILDKP e ka shitur. Ne vitin 1992 Sali Hasa ka privatizuar apartament 1+1. Mungesë për ndërtimin e nje karabinaje. Truall 500 m2 dhe banese 130 m2. Por sipas hipotekës Kavajë ka qenë 500 m2 arë dhe jo ndërtesa karabina. Ndertimi mbi këtë truall ka qenë pa leje. Sali Hasa pretendon se ka shitur karabinan tek nje noter, por s’ka asnje kontrate dhe ska asnje pagese tatimi mbi te ardhurat. 500 m truall e ndeted 130 m2 ndodhur ne Kavaje nuk justifikohen. Apartamenti 163 m2 në Durrës. Ildkpi thote se nuk justifikohet. 43 mije $ blere ne 200. Në 2004 ka thene se e ka blere 50 mije $.

Nga hetimi ynë rezulton se e ka blere ne 2005 ne vleren e 1.7 mil lekeve. Është bere i banueshem ne 2012. Fillimisht kontrate sipermarje 2001 me 50 mije $. Në 2005, deklaron apartament 150 m2 ne Durres. Ne 2006, thote shtepia e banueshme e shlyer e gjitha 50 mije $. Në kontrate e ka shkruar blere 1.7 mil leke ne 2005, kur fillimisbt ka pranuar se e ka blere 50 mije $. Kpk: Sipas vlerës se tregut ky apartament ne 2005, kushton 8.1 mil leke te reja”, ka thënë KPK.

Ish-prokurori i Sarandës, u prangos për korrupsion, pasi nga hetimet e SPAK rezulton se ka pushuar një procedim penal kundrejt marrjes së parave për një kriminel. Bashkë me të janë vënë në pranga janë vënë edhe 5 persona të tjerë me akuzën e korrupsionit: oficeri i Policisë Gjyqësore në Prokurorinë Pranë Gjykatës së Shkallës së Parë - Napolon Hodaj; Arbitri i ndeshjeve të futbollit - Qerim Ruçi; një zyrtar i klubit sportiv SHS “Përmeti” -Bledar Hajredini, si dhe dy persona të tjerë Julian Zera, Emiljano Mirani, të dy të akuzuar për veprën penale “Ushtrimi i ndikimit të paligjshëm ndaj personave që ushtrojnë funksione publike”.