Kërcënoi me thikë gruan dhe tentoi t'i vidhte paratë që tërhoqi nga bankomati, arrestohet 44-vjeçari

Policia zbardh grabitjen në Sarandë, ku një person tentoi t'i vidhte një 34-vjeçareje nën kërcënimin e thikës një shumë parash duke vënë në pranga autorin e ngjarjes. Sipas policisë, personi që kërcënoi me thikë shtetasen A.N, 34 vjeçe, është 44-vjeçari J.(L).K, banues në Livadhja, i cili është arrestuar. 

Sarandë

Tentoi t’i vidhte nën kërcënimin e thikës, një shumë parash një 34-vjeçareje, Policia identifikon dhe arreston autorin e dyshuar.

Shërbimet e Komisariatit të Policisë Sarandë, pas marrjes së njoftimit se në lagjen nr.1, Sarandë, pranë bankomatit të një banke, një shtetas nën kërcënimin e një mjeti të mprehtë (thikë), kishte tentuar t’i vidhte një shumë parash shtetases A. N., 34 vjeçe, kanë organizuar punën për identifikimin dhe kapjen e autorit.

Si rezultat i veprimeve të shpejta hetimore dhe profesionale, Policia bëri të mundur identifikimin, kapjen dhe arrestimin e autorit të dyshuar, shtetasit J. (L). K., 44 vjeç, banues në Livadhja. Materialet i kaluan Prokurorisë pranë Gjykatës së Shkallës së Parë Sarandë, për veprën penale "Vjedhje me dhunë", mbetur në tentativë.