Video/ Shkrumbohet nga flakët autobusi i pasagjerëve në Kavajë, detajet e para nga ngjarja

Një autobus pasagjerësh është përfshirë nga flakët pasditen e sotme në autostradën Kavajë-Lushnje.

Për pasojë është djegur totalisht mjeti, ndërsa nuk raportohet për të lënduar por vetëm dëme materiale.

Forcat zjarrfikëse kanë mbërritur në vendngjarje. E pranishme është edhe policia, e cila sqaron se autobusi është përfshirë nga flakët si pasojë e një problemi teknik. 

 Pamjet e momentit janë publikuar nga rrjetet sociale nga ish-kryebashkiaku i Kamzës Xhelal Mziu dhe faqja “Aksidente Rrugore”.

Njoftimi i policisë

Kavajë/Informacion paraprak Në Kavajë, dyshohet se si pasojë e një difekti teknik ka marrë flak në lëvizje mjeti minibus me drejtues shtetasin L. D., ku ka vetëm dëme materiale.

Sherbimet e zjarrfikses ndodhen në vendngjarje dhe bënë të mundur fikjen e zjarrit. Vijon puna nga Grupi Hetimor për sqarimin e plotë e rrethanave të ngjarjes.