Kapet me doza kokaine dhe kanabisi, arrestohet 20-vjeçari në Fier/ EMRI

Policia e Fierit ka vënë në pranga një 20-vjeçar i cili u kap në flagrancë duke shitur lëndë narkotike, në doza.

Policia njofton se ka arrestuar 20-vjeçarin Redion Hoxha, banues në Fier.

Gjatë kontrollit fizik, shërbimet e Policisë i kanë gjetur këtij shtetasi, doza lënde të dyshuar narkotike kokainë, të gatshme për shitje. Më pas, gjatë kontrollit në banesën e tij, shërbimet e Policisë gjetën doza kanabisi të gatshme për shitje.

Lënda narkotike u sekuestrua në cilësinë e provës materiale, bashkë me një aparat celular.