Kapet autori, policia tregon si e vrau 39-vjecari të dashurin e ish-gruas në Fier

Xhimi Bakaj është 23-vjeçari që mbeti i vdekur mbrëmjen e së premtes, pasi u qëllua me thikë nga Xhuliano Miho në rrugën “Ramiz Aranitasi” në Fier.

Policia e Fierit ka sqaruar zyrtarisht rrethanat në lidhje me vrasjen e 24-vjeçarit mbrëmë. Burime zyrtare bënë me dije se ngjarja ndodhi rreth orës 21:00, në rrugën “Ramiz Aranitasi”.

Xhuljano Miaj akuzohet se vrau Xhimi Bakaj, bashkëjetuesin e ish-gruas.

“Në vijim të informacionit paraprak të dhënë mbrëmjen e djeshme, për ngjarjen e ndodhur rreth orës 21:00, në rrugën “Ramiz Aranitasi”, Fier, ju informojmë se në vijim të veprimeve hetimore dhe procedurale të kryera nga specialistët për Hetimin e Krimeve të Rënda të DVP Fier, u arrestua në flagrancë shtetasi Xh. M., 39 vjeç, banues në Fier.

Nga veprimet hetimore dyshohet se ky shtetas, pas një konflikti për motive të dobëta, ka vrarë me mjet prerës (thikë), shtetasin Xh. B., 24 vjeç. Në cilësinë e provës materiale u sekuestrua një mjet prerës (thikë) që u gjet në vendin e ngjarjes.”, -thuhet njoftimin e policisë.