Kanabis dhe dhunë fizike, në pranga 1 person nga Korça nis hetimi në gjendje të lirë për 4 të tjerë

Në vijim të punës për “goditjen” e paligjshmërisë në vend, policia e Korçës ka vënë në pranga 1 person dhe hetuar në gjendje të lirë 4 të tjerë për vepra të ndryshme penale.

Pasi u kap duke ushtruar dhunë fizike dhe psikologjike ndaj babait të tij, 34-vjeçari M.F është vënë në pranga.

Hetimi në gjendje të lirë ka nisur për 2 persona, 29-vjeçarin R.B dhe 28-vjeçarin I.C, pasi këta janë kapur duke prerë dru në pyjet e fshatit Vithkuq.

Një sasi e vogël kanabis, është kapur dhe sekuestruar nga policia e Pogradecit, e cila u gjet në automjetin e drejtuar nga dy të rinjtë, D.B 23 vjeç dhe K.N 33 vjeç, teksa të cilët nuk iu bindën as urdhrit të policisë për të ndaluar.

Materialet në ngarkim të tyre i kaluan Prokurorive të Rretheve Gjyqësore Korçë e Pogradec për veprime të mëtejshme.