“Jam me ju”, përplasje të forta mes familjarëve të Arjan Salës dhe ekipit të zjarrfikësve

Përplasje të forta mes familjarëve të Arjan Salës dhe zyrtarëve të zjarrfikësve, të cilët i kanë akuzuar se nuk kanë mjetet e duhura për të ndërhyrë në ambientet e magazinës që prej dy ditësh ndodhet në flakë, pranë kthesës së Kamzës.

Pjesë nga debati:

Familjarët: Ne duam që të gjendet personi, mos gënjeni

Ekipi i zjarrfikësve: A doni që të flasim apo të gënjejmë

Familjarët: Ne japim 40 milionë lekë vetëm të gjendet njeriu. Ky prononcim nuk është në shërbim për momentin.

Zjarrfikësit: Ne nuk jemi këtu për të bërë elozhe

Familjarët: Ne na ka ikur vëllai, na gjeni trupin

Zjarrfikësit: Unë kam 27 vite në këtë punë, dhe unë i përjetoj edhe vetë rastet

Familjarët: Ne nuk kemi ardhur këtu që të dalim në televizor

Zjarrfikësi: Sa ditë kam unë këtu pa lëvizur nga vendi

Familjarët: Ne po e qajmë këtu te porta, pa më dalë xhenazja. Ne nuk po bëhemi pengesë, ju lutemi shumë, na e jepni një informacion, pse nuk keni thënë ju të vijë një familjar. Prononcimin për mediat na i jepni më vonë. Ju nuk keni pasur paisje, keni qënë me bombla 3 litroshe, mungesë mjetesh, një veshje antizjarr nuk e kishin ata njerëz gjatë natës? Erdhën vetëm dje nga ora tre. A nuk është gjynah kjo që ndodhi.

Zjarrfikësi: Unë sot jam palë këtu me ty, natyrisht që na duhen mjete, dhe çdo reagim i juaji është i kuptueshëm.

Familjarët: Ti rrezikon jetën tënde kur nuk ke asnjë paisje, me çfarë do të shpëtosh djalin tim.