Iu kapën 4 mijë rrënjë kabanis, zbardhet dëshmia e drejtorit të burgut të Rrogozhinës: Është në pronësi të vëllait

Policia ka vendosur lirimin e drejtorit të burgut të Rrogozhinës Bilal Hasa pas marrjes në pyetje. 

Hasa u vetëdorëzua në polici vetëm disa orë pasi u shpall në kërkim dhe gjatë marrjes në pyetje ai deklaroi se nuk kishte asnjë lidhje me magazinat e drogës në Peqin.

Hasa i tha policisë se shtëpia dhe magazinat janë në pronësi të vëllait të tij i cili u shpall në kërkim.

Nga një aksion i një dite më parë kryer në bashkëpunim nga Drejtoria e Përgjithshme e Policisë së Shtetit dhe Drejtoria e Policisë së Qarkut Elbasan u bë i mundur identifikimin i një sasie të konsiderueshme bimësh narkotike në një banesë në Peqin.

Gjatë operacionit policor të koduar “Kurtaj” policia sekuestroi 4 mijë rrënjë bimë narkotike kanabis sativa, llampa, neonë e pajisje të tjera elektrike.

Në vijim të veprimeve hetimore policia shpalli në kërkim për veprën penale të shpërdorimit të detyrës edhe përgjegjësin e OSHEE për zonën e Peqinit.

Menjëherë pas marrjes së informacioneve drejtoria e Përgjithshme e Burgjeve ka marrë masën e pezullimit nga detyra të drejtorit të burgut të Rrogozhinës deri në përfundimin e hetimeve.