Aksident apo vrasje? Treni përplas për vdekje shqiptarin në Itali, policia ...

Një shtetas shqiptar ka humbur jetën ditën e sotme stacionin hekurudhor të Ankonës, Itali.

53 vjeçari shqiptar është përplasur dhe ka ndërruar jetë nga një tren Frecciarossa. Ngjarja ka ndodhur rreth orës 7:14, në binarin numër 1, përballë hyrjes kryesore të stacionit. Treni, i nisur nga Pescara në orën 6:00 dhe me destinacion Milano Centrale në orën 11:10, përplasi viktimën në momentin e kalimit.

Në vendngjarje mbërritën menjëherë njësitë e emergjencës të cilët siguruan zonën dhe nisën hetimet e para. Pavarësisht ndërhyrjes së shpejtë, për shqiptarin nuk pati shpëtim dhe vdekja u konstatua menjëherë në vendngjarje.

Autoritetet po punojnë për të përcaktuar shkakun e ngjarjes, duke hetuar nëse ishte një aksident tragjik ose një akt i qëllimshëm.