Ishte me pushime në Sarandë, 20-vjeçari nga Maqedonia gjendet pa shenja jete nga familjarët

Një ngjarje tragjike ka ndodhur në Sarandë, ku një 20-vjeçar nga Maqedonia është gjetur i pajetë në banesën ku po qëndronte për pushime. Sipas Policisë, trupi i tij u zbulua më 26 korrik nga familjarët në lagjen nr. 1 të qytetit.

Viktima është identifikuar si O. J., ndërsa nga këqyrja paraprake nuk janë konstatuar shenja dhune. Dyshohet se i riu ka ndërruar jetë për shkaqe natyrale, megjithatë autoritetet kanë nisur hetimet për të zbardhur plotësisht ngjarjen.

Specialistët e krimeve në Komisariatin e Sarandës kanë referuar materialet për vlerësim të mëtejshëm, ndërkohë që pritet ekspertiza mjeko-ligjore për të përcaktuar shkakun përfundimtar të vdekjes. Rasti ka tronditur komunitetin, për shkak të moshës së re të viktimës.