Ish-deputeti i PS-së, Armando Prenga në SPAK

Ish-deputeti i PS-së, Armando Prenga është paraqitur në Prokurorinë e Posaçme. Nuk dihen ende arsyet pse ish-ligjvënësi socialist është thirrur për t’u marrë në pyetje nga prokurorët e posaçëm.

Nuk dihen ende arsyet pse ish-ligjvënësi socialist është thirrur për t’u marrë në pyetje nga prokurorët e posaçëm.

Në pamjet e siguruara nga Panorama.al, shihet momenti kur Armando Prenga futet brenda ambienteve të SPAK.

Dorëzimi i mandatit

Kujtojmë që ish-deputeti i Qarkut të Lezhës dorëzoi mandatin më 27 shkurt 2017 dorëzoi mandatin, me anë të një letre dërguar kreut të atëhershëm të Kuvendit Ilir Meta, ku sqaronte edhe arsyet e dorëheqjes.

Prenga shkruante se e mori vendimin për qetësinë e tij dhe të familjes, duke i konsideruar shpifje dhe të padrejta deklaratat e opozitës për të.

Prokuroria kishte kërkuar ndërprerjen e menjëhershme të mandatit të Armando Prengës më 15 shkurt 2017, pasi ky i fundit nuk ka respektuar kërkesat për plotësimin e të dhënave, në kuadër të ligjit të Dekriminalizimit, duke mos deklaruar një dënim të formës së prerë nga Gjykata e Kurbinit, si edhe precedentët penalë në Itali.

Armando Prenga rezulton se kishte ndryshuar emrin kohë më parë, pasi fillimisht quhej Mondi.