Gjendet i vdekur në një hotel 63-vjeçari italian, dyshimet e para

Një 63-vjeçar italian është gjetur i vdekur në një hotel në fshatin Tregan në Elbasan, ku dhe ishte akomoduar.

Sipas dyshimeve të para, italiani ka humbur jetën për shkaqe natyrale.

“Mëngjesin e sotëm, në fshatin Tregan, ka humbur jetën, dyshohet për shkaqe natyrale, në hotelin ku ishte akomoduar, shtetasi italian 63 vjeç”, thuhet në njoftimin e policisë.

Ndërkohë, grupi hetimor po punon për zbardhjen e rrethanave të rastit.