Ish- ambasadori: Non- grata në SHBA, zyrtari shqiptar udhëtoi në Amerikë dhe u ul pranë motrës së Bush

Nuk ka munguar komenti i ish-ambasadori Agim Nesho, për shpalljen e Berishës non- grata në SHBA. Në një intervistë televizive ai tregoi sesi një zyrtar i lartë i qeverisë “Nano” kishte shkuar në SHBA pavarësisht se ishte shpallur person non grata. Nesho në fjalën e tij tha se zyrtari i lartë kishte marrë pjesë në aktivitete të partisë Republikane në SHBA dhe ishte ulur pranë motrës së ish-presidentit të SHBA, Bush.

“Para disa kohësh një zyrtari të lartë i shtetit shqiptar nuk i jepej viza për të shkuar në SHBA. Më thirri Nano, ose shkarkohet PS se ky nuk vete se i kanë prerë vizën… nuk ka rëndësi emri, ishte në në një rang të lartë. Shkoi ambasadori i SHBA duke ti thënë Nanos se unë nuk ia jap vizën këtij njeriu. Unë personalisht kam takur Bob Dole dhe e di çfarë ndodhi, ky personi non grata në këtë moment u ul në rreshtin e parë në karrigen tre ngjitur me motrën e ish-presidentit të SHBA Bush”, tha Nesho.