Atentati në Shkodër, ndërron jetë Arlind Bushati, shkon në 3 numri i viktimave

Atentati në Shkodër, ndërron jetë Arlind Bushati në spital. Bushati është viktima e tretë në masakren e kësaj pasditeje.

Policia ka shoqëruar 4 persona. Sonte, RENEA ka kryer kontrolle  kryesisht nga zona e Bajrave.

Policia e Shkodrës ka gjetur një automjet Land Rover, të djegur në zonën e Grudës së Re. Brenda saj janë gjetur 2 automatikë, të cilët dyshohet se janë përdorur nga autorët në atentatin e kësaj të mërkure.

Makina u gjet e djegur 10 minuta pas ngjarjes, ndërsa brenda saj policia zbuloi armë zjarri."

Shkodër/Informacion shtesë

Në vijim të informacioneve të dhëna më parë për ngjarjen e ndodhur në aksin rrugor “Shkodër-Koplik”, në Dobraç, ju informojmë se ka humbur jetën në Spitalin Rajonal Shkodër, si pasojë e plagëve të marra edhe shtetasi A.B., 32 vjeç.

Grupi i posaçëm hetimor në drejtimin e Prokurorisë së Shkodrës, po vijon punën për zbardhjen e rrethanave, sigurimin e provave me qëllim dokumentimin ligjor të ngjarjes, identifikimin dhe kapjen e autorëve."