I mori një personi 100 mijë euro përmes mashtrimit, arrestohet 27-vjeçari në Tiranë

Policia e Tiranës ka finalizuar me sukses operacionin policor të koduar “Totali”, duke arrestuar një të ri të shpallur në kërkim.

Në pranga ka rënë shtetasi S. R. (H)., 27 vjeç, i cili u kap në zonën e Alliasit, pas një kërkimi nga Policia e Elbasanit.

Ai akuzohet se më 31 prill 2024, në bashkëpunim me tre persona të tjerë, ka mashtruar një shtetas dhe i ka marrë 100 000 euro.

Materialet procedurale janë referuar në Prokurorinë e Tiranës për veprime të mëtejshme.

Njoftimi i Policisë:

Tiranë

Finalizohet nga Komisariati i Policisë Nr. 4, operacioni policor i koduar “Totali”.

I mori një shtetasi, nëpërmjet mashtrimit, 100 000 euro, ndalohet 27-vjeçari.

-S. R. (H)., 27 vjeç, i cili u kap në zonën e quajtur “Allias”, pasi kërkohej nga Policia e Elbasanit, i akuzuar se më datë 31.04.2024, në bashkëpunim me 3 shtetas, nëpërmjet mashtrimit, i kanë marrë 100 000 euro, shtetasit F. Rr.

Materialet procedurale iu referuan Prokurorisë së Tiranës, për veprime të mëtejshme.