Atentati me 4 të vrarë në Dobraç, policia mësyn bazat e Bajrajve, çfarë u gjet në banesën e Safet Bajrit

Me urdhër të SPAK, forcat RENEA ushtruan kontrolle në disa banesa në qytetin e Shkodrës si dhe në fshatrat përreth.

Burime për mediat bëjnë me dije se po kryen kontrolle në bazat e fisit të Bajrave. Një prej banesave të kontrolluara ka qenë dhe ajo e Safet Bajrit në Dobraç, “armikut”  të së shumëkërkuarit të drejtësisë, Ibrahim Licit. 

Gazetarja Klodiana Lala raporton se në banesën e Safet Bajrit RENEA ka gjetur rreth 20 mijë euro para cash. Nuk rezulton të jenë gjetur sende të tjera.

Ky operacion ka ardhur lidhur me zbardhjen e ngjarjes së atentatit të 30 tetorit në Dobraç, ku humbi jetën vëllai i Ibrahim Licit, Hamza Lici dhe çifti i pafajshëm i bashkëshortëve Bashkim dhe Flutura Basha.