“I hyra drogës për babanë që vuan nga kanceri", shqiptari dënohet me burg në Britani pas kontrollit në...

Aktualitet

“I hyra drogës për babanë që vuan nga kanceri",

Një shitës droge, të cilit iu gjetën deri në 14,000 £ kokainë tha se i kishte hyrë këtij biznesi me qëllim që të financonte trajtimin e kancerit të babait të tij dhe të paguante për IVF.

Oresti Kiriako, 28 vjeç, u ndalua nga policia në Cardiff më 27 prill pasi dyshimeve të lindura ndaj tij. Kur policia i kontrolloi makinën tip Hyundai, brenda saj u gjet një çantë me pluhur të bardhë dhe 130 £ të fshehura në një hapësirë të posaçme.

Ai më pas u dërgua në adresën ku banonte ku u krye një tjetër kontroll dhe u gjetën 2 mijë paund. Çelësat e një mjeti Honda u zbuluan gjithashtu dhe pas një kontrolli policia gjeti sasi të mëtejshme pluhuri të bardhë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Në total kishte 347.6 gr kokainë që vlerësohej se kishte një vlerë rruge midis 11,120 £ dhe 14,800. Policia kapi gjithashtu dy telefona celularë, në njërin prej të cilëve kishte mesazhe në lidhje me drogën, shkruajnë mediat lokale.

Kiriako më vonë u deklarua fajtor për posedim të barnave të Klasit A ​​me qëllim furnizimin.

Avokati Laurence Jones tha se klienti i tij ishte shqiptar, por pasaportë greke dhe me leje qëndrimi në Mbretërinë e Bashkuar për tre vjet.

Ai tha se Kiriako dhe partnerja e tij jetonin në Kent por ai kishte krijuar një borxh me një bandë shqiptare e cila e “parashutoi” atë në Uellsin Jug për të shitur drogë dhe për të shlyer borxhin e tij. Në fund të procesit, shqiptari u dënua me 32 muaj burg.

ME TE LEXUARAT