Hapen regjistrimet në Arsimin Profesional, Rama: Mbështesim nxënësit nga grupet e veçanta

Kryeministri Edi Rama ka bërë një postim në rrjetet sociale ku bën me dije se regjistrimet në Arsim Profesional për klasë të 10-të janë hapur për të rinjtë që ndjekin shkollën profesionale.

Rama shkruan se të rinjtë që ndjekin shkollën profesionale mund të regjistrohen përmes e-albania. Ai shton se mbështet nxënësit që regjistrohen në degët prioritare, nga familjet në nevojë apo ekselentët që kanë mbaruar vitin shkollor paraardhës në arsim profesional me notë mesatare mbi 9-të.

"Regjistrimet në Arsim Profesional për klasë të 10-të janë hapur për të rinjtë që ndjekin shkollën profesionale. Mbështesim nxënësit që regjistrohen në degët prioritare;

Mbështesim nxënësit nga familjet në nevojë;

Mbështesim nxënësit që banojnë mbi 5 km larg nga shkolla profesionale;.Mbështesim ekselentët që kanë mbaruar vitin shkollor paraardhës në arsim profesional me notë mesatare mbi 9.

Mbështesim nxënësit nga grupet e veçanta", shkruan Rama.