Hapen aplikimet për pozicionin “Shef komisariati”, si mund të konkurroni, kriteret

Policia e Shtetit njofton të gjithë të interesuarit për të aplikuar për pozicionin “Shef komisariati” në Drejtorinë Vendore të Policisë. Afati i fundit për të aplikuar është data 8 nëntor 2024.

“THIRRJE PËR APLIKIM PËR POZICIONIN “SHEF KOMISARIATI”

Policia e Shtetit shpall thirrjen për paraqitjen e shprehjes së interesit për pozicionin “Shef komisariati” në Drejtoritë Vendore të Policisë.

Punonjësit e interesuar që shprehin interesin për të aplikuar për pozicionin “Shef komisariati” dhe plotësojnë kriteret ligjore të përcaktuara në Vendimin e Këshillit të Ministrave Nr. 641, datë 16.10.2024 “Për miratimin e rregullores për përzgjedhjen e kandidatit për zëvendësdrejtor të përgjithshëm, drejtor të departamentit, drejtor të drejtorisë vendore dhe shef të komisariatit në Policinë e Shtetit”, duhet të plotësojnë dhe dorëzojnë brenda datës 08.11.2024, ora 14:00, pranë Komisionit të Vlerësimit të Aplikimeve në Drejtorinë e Përgjithshme të Policisë së Shtetit, dokumentacionin, i cili mund të shkarkohet në linkun e mëposhtëm:”