“Lufta do të ngadalësojë ekonominë”/ Sejko: Shtrenjtimi i karburanteve do të ndikojë në rritjen e inflacionit

Guvernatori Gent Sejko është shprehur se Banka e Shqipërisë do të mbajë të pandryshuar normën bazë të interesit, në nivelin 2.5%.

Komentet Sejko i bëri gjatë një konference për media mbi vendimmarrjen e politikës monetare të Bankës së Shqipërisë. Sejko tha gjithashtu se rritja e çmimit të naftës në tregjet ndërkombëtare, për shkak të bllokimit të Ngushticës së Hormuzit dhe luftimeve në Lindjen e Mesme, do të ndikojë edhe në rritjen e inflacionit në Shqipëri.

Po ashtu, Sejko tha se rritja e çmimit të naftës në bursat ndërkombëtare do të sjellë edhe ngadalësim të rritjes ekonomike në Shqipëri. Zgjatja e kësaj 'krize', sipas Sejkos do të varet nga zgjatja e luftimeve në Lindjen e Mesme.

“Fokusi i këtij raporti ishte ndikimi që do të ketë ekonomia jonë nga çmimet. Rritja e çmimit të naftës në tregjet e huaja, do të sjellë një rritje të inflacionit mbi objektiv dhe një ngadalësim të rritjes ekonomike. Ky parashikim bazohet në pritjet për përfundim të shpejtë të luftës. Pasiguria mbetet e lartë, dhe balanca e rreziqet është rritu, por Banka e Shqipërisë vendosi të mbajë të pandryshuar politikën monetare. Këshilli Mbikqyrës vendosi të mbajë të pandryshuar normën bazë të interesit në nivelin 2.5 %”, tha mes të tjerash Sejko.

Lajm në përditësim...